පුස්තකාල තොරතුරු සහ සේවාවන් (Library Information & Services)
මොරටුව ශ්රී රාහුල මහා විද්යාලීය පුස්තකාලය අප පාසලේ දැනුමේ කේන්ද්රස්ථානයයි. සිසුන්ගේ කියවීමේ රුචිය වර්ධනය කිරීම සහ අධ්යාපනික අවශ්යතා සපුරාලීම සඳහා අප පුස්තකාලය සැමවිටම කැපවී සිටී.
අප පුස්තකාලය සියලුම පාසල් දිනවල පහත වේලාවන්හිදී විවෘතව පවතී:
සඳුදා සිට සිකුරාදා දක්වා: පෙ.ව. 7.30 සිට ප.ව. 1.30 දක්වා
විවේක කාලය: පෙ.ව. 10.15 සිට පෙ.ව. 10.35 දක්වා
සෑම ශිෂ්යයෙකුටම වරකට එක් පොතක් පමණක් ලබාගත හැක.
පොතක් තබාගත හැකි උපරිම කාලය දින 07කි.
නියමිත දිනට පසුව පොත් භාරදීමේදී දිනකට රු.10 බැගින් දඩ මුදලක් අය කරනු ලැබේ.
පුස්තකාලයට පැමිණෙන විට සැමවිටම ඔබගේ සාමාජික කාඩ්පත (Library Card) රැගෙන ආ යුතුය.
පුස්තකාලය තුළ සැමවිටම නිශ්ශබ්දතාවය සුරකින්න.
පොත්පත් වලට හානි කිරීම, පිටු ඉරා දැමීම හෝ පෑනෙන් සටහන් තැබීම සපුරා තහනම් වේ.
පුස්තකාලය තුළ ආහාර ගැනීම හෝ පානය කිරීම සිදු නොකළ යුතුය.
භාවිතා කළ පොත් නැවත රාක්ක මත අක්රමවත් ලෙස නොතබා, ඒ සඳහා වෙන් කළ මේසය මත තබන්න.
දැන් ඔබට අපගේ Online Public Access Catalog (OPAC) පද්ධතිය හරහා:
පුස්තකාලයට නොපැමිණ නිවසේ සිටම පොත් සෙවීමට,
නවතමයෙන් එකතු වූ පොත් පිළිබඳ දැනුවත් වීමට,
තමන් ලබාගත් පොත් භාරදිය යුතු දිනය පරීක්ෂා කිරීමට, පහසුකම් සලසා ඇත.
විමසීම්: පුස්තකාලය පිළිබඳ යම් ගැටලුවක් ඇත්නම් කරුණාකර පුස්තකාලයාධිපතිතුමා හමුවන්න.